Otea celebra un 2024 "positivu" pal turismu con 52,4% d'ocupación media anual

L'asociación piensa nun futuru "esperanzador" pal sector

El Principáu zarrará 2024 con una media añal d’ocupación del 52,44 por cientu, un puntu más qu’en 2023, una cifra pa "celebrar" un exerciciu "positivu", según el balance presentáu esti llunes por Hostelería y Turismu d’Asturies (Otea), que piensa nun futuru "esperanzador" pal sector qu’enfrenta como retos principales l’absentismu llaboral y la falta de personal cualificao.

L’informe fechu por Otea sobre’l comportamientu del sector hosteleru y turísticu d’Asturies en 2024 destaca como aspectos más positivos la medría afitada y la desestacionalización, sobre manera

nel segundu semestre, favorecida pola meyora de les comunicaciones como la llegada de l’alta velocidá.

Ente les principales reivindicaciones, Otea apunta la recuperación de l’autopista del mar, la medría de visitantes internacionales y el control de les viviendes d’usu turísticu énte la medría esponencial d’esti segmentu, qu’algama una medría "bestial" y "descontrolada" del 1.500% nos últimos 12 años.